ບ້ານນາທົ່ງ, ເມືອງນາໝໍ້ ຕັ້ງຢູ່ຫາງຈາກເທດສະບານເມືອງປະມານ 8 ກິໂລແມັດ ແລະ ຫ່າງຈາກເສັ້ນທາງຫລວງເລກທີ່ 13 ເໜືອ 1 ກິໂລແມັດ. ເປັນນ້ຳອອກຮູຈາກປາກຖ້ຳນ້ອຍ, ກ້ອງພູຫີນໃຫຍ່ ເຊິງມີກິດຈະກຳຂີ່ກົງເບັງ, ຫຼີ້ນນ້ຳ, ຊົມຜາຫີນ, ກາບໄຫ້ວຖ້ຳພະເຈົ້າ, ມີຕູບນ້ອຍນັ່ງຊີວໆ ແລະ ມີຮ້ານອາຫານໄວ້ຄ່ອຍບໍລິການອາຫານເຄື່ອງດື່ມ.
ນ້ຳອອກຮູ ແຫ່ງນີ້ ໄດ້ມີການສຳຫຼວດ ໃນປີ 2010 ໂດຍນັກສຳຫຼວດຈາກທະວີບເອີລົບມາສຳຫຼວດແຕ່ກໍ່ເວຂົ້າໄດ້ພຽງແຕ່ 4 ກິໂລແມັດ. ນ້ຳອອກຮູແຫ່ງນີ້ເປັນທີ່ຮູ້ຈັກກັນດີຂອງຊາວເມືອງນາໝໍ້.
ສະຖານທີດັ່ງກ່າວເປິດໃຫ້ນັກທ່ອງທ່ຽວເຂົ້າຊົມໃນປີ 2003 ເປັນອີກສະຖານທໜຶ່ງທີ່ມີຄວາມສວຍງາມທາງດ້ານທຳມະຊາດ, ນ້ຳທີອອກມາເປັນນ້ຳໃສເຢັນ, ຄ້າຍຄືສະລອຍນ້ຳ ແລະ ນັກທ່ອງທ່ຽວສາມາດອາບລອຍໄດ້. ນ້ຳອອກຮູສາຍນີ້ເກີດຈາກນ້ຳຫ້ວຍ 2 ຫ້ວຍໄຫຼປ່ອງໃສ່ກັນຄື: ຫ້ວຍກະສາ ແລະ ຫ້ວຍຫັນທີ່ໄຫຼມາຈາກບ້ານນ້ຳພິກ. ເຂົ້າໄປທາງໃນປະມານ 150-200 ແມັດຈະມີນ້ຳຕົກຕາດນ້ອຍທີ່ສວຍງາມສູງປະມານ 5-10 ແມັດ. ມີຮ້ານອາຫານ, ແລະ ເຄື່ອງດື່ມພ້ອມໃຫ້ບໍລິການແກ່ນັກທ່ອງທ່ຽວ ໃນບໍລິເວນນີ້ ໃນມື້ບຸນຕ່າງໆ.